Компанијата „Apple“ оваа година потроши голема сума во корист на „Amazon“.

Но, тоа не е за стриминг, здрава храна или паметни гласовни асистенти за глас – „Apple“ e топ клиент на „Amazon Web Services“.

Според новиот извештај, „Apple“ има потрошено 350 милиони долари за „Amazon Web Services“ или, со други зборови за облак-услугите на „Amazon“. Оваа година, производителот на „iPhone“ ќе потроши 30 милиони долари за истото.

Покрај тоа, „Apple“ потпиша договор со „Amazon“, кој предвидува дека компанијата ќе потроши најмалку 1,5 милијарди американски долари на облак-услугите на „Amazon“ во текот на следните 5 години, објави „Forbes“.

„Apple“ не е единствената компанија која посветува сериозни суми на облак-услугите.

Претходно оваа година, гигантот за стриминг на музика, „Spotify“ потпиша договор со „Google“ за 447 милиони американски долари за три години.

„Netfliх“ троши десетици милиони месечно на „Amazon Web Services“, но неодамна компанијата започна со разгледување на алтернативни понуди за „Google“.

„Lyft“, компанијата за споделено патување, објави дека планира да потроши 300 милиони долари за „Amazon Web Services“ во текот на следните три години.

„Snap“, компанијата која стои зад „Snapchat“, предвидува трошоци од 3 милијарди долари за облак-услуги во текот на следните три години, со „Amazon“ и „Google“ како провајдери.

„Apple“ и „Amazon“ всушност се конкуренти на голем број пазари. Тие вклучуваат стриминг (видео и музика), хардвер (таблети, гласовни асистенти) и апликации.

„Amazon“ дури и се обиде во некоја фаза да влезе во телефонскиот пазар.

Во технолошката индустрија, многу конкуренти, всушност, се партнери на одредени пазари. Наспроти позадината на големите врски меѓу големите американски корпорации, конкуренцијата меѓу нив не е секогаш пријателска, бидејќи во минатото имало судски битки меѓу нив.

Сепак, кога станува збор за облак-услугите, на „Apple“ му е потребна помош од „Amazon“.