Зоолошката градина ќе добие „Авантура парк“ – Слободен печат
ВестиСкопје

Зоолошката градина ќе добие „Авантура парк“

„Авантура парк“ ќе биде донација од Агенцијата за млади и спорт,  а бесплатно ќе биде достапен на сите основни училишта во делот на физичкото воспитување за деца од 6 до 15 години.

Детски „Авантура парк“ со адреналински и рекреативни содржини за деца, ќе биде изграден во состав на скопската Зоолошка градина, најавуваат од Зоолошката.

Како што велат од таму, оваа содржина ќе биде наменета за анимирање на најмладите посетители, и е прва од ваков вид кај нас.

„Многу европски и светски метрополи имаат авантуристички паркови во природа. Тоа е парк кој служи истовремено за забава и физичка активност за деца над петгодишна возраст. Ќе содржи реквизити со различни нивоа на предизивик- лавиринти, дрвени куќарки, јажиња со препреки и многу други интересни содржини со загарантирана безбедност. Со децата ќе работат луѓе кои се обучени за тоа, велат од таму.

Како што информираат од Зоолошката, „Авантура парк“ ќе биде донација од Агенцијата за млади и спорт,  а бесплатно ќе биде достапен на сите основни училишта во делот на физичкото воспитување за деца од 6 до 15 години.

„Проектот е во изработка и се надеваме дека на пролет, Скопје ќе го добие еден од најубавите авантуристички паркови во регионот“- изјави директорот Ѓорѓи Галетановски“.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close