Змејковски за „27 април“: Само еднаш присуствував на протестите „За заедничка Македонија“, со Ристовски и Јанакиески не сум имал контакт

Собраниската седница на 27 април во 2017 година, на барање на СДСМ, беше закажена да продолжи на наредниот ден. Ова денеска на судењето за организаторите на настанот го изјави сведокот Стојан Миланов, заменик претседавач на седницата, кој истакна дека тоа барање било прифатено од претседавачот Трајко Вељаноски, сега обвинет како еден од организаторите на насилните настани во законодавниот дом.

– Одговорно тврдам дека не сум имал никаква информација за тоа што се случи на 27 април. Исто така, немаше никаква организација од Кратово од Социјалистичка партија на Македонија за 27 април, рече сведокот Миланов, кој е актуелен пратеник во Собранието.

Во своето искуство како пратеник тој додаде дека не се сеќава некогаш да се прекине расправа за одредена точка во Собранието и да се продолжи со друга точка на дневен ред.

Прочитајте и...  Орбан изразува надеж дека Трамп ќе биде реизбран

Сличен исказ пред судот даде и сведокот, поранешниот пратеник на ВМРО-ДПМНЕ, Борис Змејковски, кој истакна дека само еднаш присуствувал на протестите организирани од „За Заедничка Македонија”.

– Тие протести во тој период ги поддржував. Индивидуално еднаш присуствував. Со лицата Спиро Ристовски и Миле Јанакиевски не сум имал никаков контакт. За ,,Тиранска платформа” се дискутираше меѓу пратениците и во медиумите, изјави сведокот Змејковски.

На денешното рочиште беше предвидено како сведок да се појави и актуелниот претседател на Собранието, Талат Џафери, но заради неговите денешни работни обврски, тој ќе сведочи на некое од наредните рочишта. Спикерот Џафери како сведок во овој предмет е предложен од страна на одбраната на обвинетиот Трајко Вељановски.

Прочитајте и...  Со лесни симптоми и во самоизолација: Лидерот на косовската опозиција Албин Курти е позитивен на ковид-19

Предметот го води судијата Илија Трпков, а застапник на обвинението е Вилма Русковска. Обвинети се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски. Тие се товарат дека сториле кривично дело „терористичко загрозување на уставниот поредок и безбедноста”.

Поврзани вести

Митко Јанчев пред одлагање на протестот потив Мицковски!

Санофи и ГСК ќе обезбедат 200 милиони дози од својата ковид вакцина за Ковакс

Слободен печат

Митко Јанчев за Слободен печат: Комисијата за заразни болести ни укажа дека протестот против Мицкоски може да биде нов кластер

Весна Тодоровска

ВО ЖИВО: Прес-конференција на портпаролот на Владата, Душко Арсовски

Слободен печат

Смена на директорот на Агенцијата за промоција и поддршка на туризмот бараат неколку здруженија и комори

Слободен печат

Аплицирајте електронски за ученички стипендии

Остави Коментар