Цената на златото на светските берзи денеска во еден момент беше највисока во историјата во однос на еврото, додека според доларот го достигна двонеделниот максимум.

Тоа се случи бидејќи инвеститорите бараа сигурно засолниште за капиталот откако компанијата „Епл” предупреди на негативното влијание на новиот коронавирус на нејзиното работење.

Спот цената на златото беше 1.597,71 долари за унца односно забележа раст од 0,75 отсто. Цената на златото во однос на еврото се зголеми за 1,14 на 1.475,97 евра за унца.

И цената на паладиумот забележа раст од 0,76 отсто и изнесуваше 2.537,26 долари. И среброто се продаваше за 1,22 отсто поскапо односно една унца чинеше 18 долари.

Производителот на ајфон предвидува пад на своите приходи во вториот квартл поради епидемијата на новиот коронавирус.