Злато тешко 720 килограми украдено од аердором во Сао Паоло

Од главниот аеродром во Сао Паоло се украдени 720 килограми злато, чија вредност се проценува на повеќе од 30 милиони долари.

Бразилските власти соопштија дека не успеале да го пронајдат златото, а нема ни трага и од криминалната банда која била составена од најмалку 20 лица.

Според полицијата, групата прво го киднапирала директорот на карго сервисот на аеродромот и неговото семејство и ги држеле како заложници, за да го натераат на соработка. Потоа, во четвртокот  дошле на аеродромот во пикап возила исфарбани за да личат дека се полициски, а неколку минути подоцна побегнале со златото, пренесуваат американските медиуми.

Полицијата вчера соопштила дека проверува дали станува збор за истата група која минатата година од друг аеродром во Сао Паоло украде пет милиони долари.

Операторот на аеродромот, компанијата ГРУ Ерпорт, соопши дека залтото требало да биде транспортирано за Торонто и Њујорк.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот