Холандскиот гигант Ајакс по лошите резултати во првенството го отпушти тренерот Алфред Шрудер кој дојде како наследник на Ерик Тен Хаг, но не се прослави. Ајакс е во потрага по негова замена, а според последните информации на медиумите хрватскиот селектор Златко Далиќ е главен фаворит.

Далиќ веќе два Мундијали со Хрватска бележи одлични резултати, па по среброто во Русија во 2018 година, оваа година во Катар ги водеше „коцкестите“ до бронза. Засега е сигурно дека Хеитинга ќе го води Ајакс во наредните натпревари.

Не се исклучува можноста Хеитинга да остане на клупата до крајот на сезоната, а потоа да дојде Далиќ.

Оваа опција му одговара на Далиќ затоа што сака да биде фокусиран на својата репрезентација на завршниот турнир во Лигата на Нации кој ќе се игра токму во Холандија.