Швеѓанецот е личност чии зборови имаат голема тежина, независно од темата на разговор. Во разговор за магазинот „GQ“ Ибра одговараше на бројни прашања, а едно од тие беше кој според него и нејдобар фудбалер на светот. Интересно е што Златан во одговорот ги изостави Лионел Меси, освојувачот на шест златни топки и Кристијано Роналдо кој има една Златна топка помалку.

– Килијан Мбапе. Тој е човекот кој прави разлика. Иако сè уште е млад се надевам дека ќе продолжи напорно да работи и веќе е ѕвезда. Се надевам дека ќе остане гладен и никогаш нема да престане да го сака фудбалот. Во тој случај ќе продолжи на напредува. Мора да остане со ладна глава, што никогаш не е лесно – изјави Ибрахимовиќ.

За Швеѓанецот, постои само еден фудбалер од кој се обидувал да „краде“ потези.
– Кога играше, сите сакавме да ги копираме потезите на Бразилецот Роналдо. Имаше елегантен стил, чести пати знаев да ги следам неговите натпревари, но денеска повеќе не. Денеска најмил фудбалер ми е Мбапе – истакна Ибрахимовиќ.