Златан Ибрахимовиќ по завршување на сезоната си заминува од Милан откако не успеа да најде заеднички јазик за продолжување на соработката со претседателот Ован Газидис.

Интересно е што меѓу првите кои му се јави на Ибрахимовиќ откако слушна дека си заминува од Милан е легендарниот директор на „росоњерите“, Адријано Галијани кој сега е директор на второлигашот Монца.
– Галијани ме повика и ми порача дека мојот стар Милан е оддалечен само 11 километри од Милано – вели Златан.

Ибрахимовиќ не крие дека многу го почитува Галијани и на медиумите им откри каков преговарач е поранешниот директор на Милан.
– Ми се допаѓа, спортскиот директор треба да биде како Галијани. Се сеќавам кога ме донесе првиот пат во Милан. Дојде кај мене во Шведска и ми рече дека не се враќа сам, односно мора со него да дојдам и јас. Сопругата мислеше дека е луд – открива Ибрахимовиќ.

Галијани заедно со поранешниот сопственик на Милан, Силвио Берлускони имаат нов проект, Монца која во следната сезона ќе настапува во Серија Б, а планот им е да ја направат една од најдобрите италијански екипи.