Златан како „вино“: Ибракадабра шоу против Болоња! (ВИДЕО)
Денеска во првиот натпревар од новата сезона во најсилната италијанска Серија А составот на Милан со конечен резултат 2:0 триумфираше над екипата на Болоња.
На стадионот „Сан Сиро“ во Милано „росонерите“ дојдоа до првите три бода благодарение на најискусниот играч во нивните редови, Златан Ибрахимовиќ.
An @Ibra_official brace seals the three points on our domestic debut ?
Boom boom Ibra: primi 3 punti della stagione per i ragazzi ?#MilanBologna #SempreMilan pic.twitter.com/0GRa2V7s0v— AC Milan (@acmilan) September 21, 2020
Швеѓанецот и покрај неговите 38 години и натаму блеска на терените. Со неговите два голови на денешниот меч најавува дека повторно ќе биде клучен играч на Милан. Првиот погодок беше реализиран во 35 минута, Хернандез убаво го пронајде Ибра кој највисоко скокна и со глава ја смести топката во мрежата на Скорупски.
Конечниот епилог го постави на стартот од второто полувреме (50`), беше сигурен од белата точка. За првпат Ибрахимовиќ запиша два гола на „Сан Сиро“ во Серија А во 3065 денови (мај 2012 против Интер).
Во следното коло играчите на тренерот Пиоли ќе гостуваат кај Кротоне на 27 септември, а еден ден подоцна Болоња на српскиот стратег Синиша Михајловиќ ќе ја пречека Парма.