Екипата на Милан и во деветтиот натпревар откако Серија А продолжи по тримесечната пауза, не се поразени. „Росоњерите“ како гости со 1:2 го совладаа Сасуоло и се искачија на петтото место на табелата кое води во групната фаза во Лигата на Европа.

Милан во последните девет кола има дури седум победи и само два порази и тие се најдобриот тим по рестартот на сезоната, а во последнте три кола во битката за петтото место влегува со бод повеќе од Рома и три од Наполи кој има и натпревар помалку.

Човек на одлука против Сасуоло беше Златан Ибрахимовиќ кој ги постигна и двата гола. Одличниот Швеѓанец првиот гол го даде во 11. минута по асистенцијата на Чалканоглу додека вториот го постигна во последните моменти од полувремето. Голот за Сасуоло беше дело на Франческо Капуто во 42. минута и тоа од пенал.