Зизу не се откажува: Реал верува во размена, Бејл за Погба!
Францускиот репрезентативец е на удар поради своите перформанси во дресот на „црвените ѓаволи“ во претходниот период. Минатата сезона Погба воглавно беше под очекуваното ниво, додека во тековната 2019/20 го мачат повредите.
Но, Зизу и покрај тоа сака да соработува со својот сонародник во Реал Мадрид, а тоа го истакна и претседателот на клубот, Флорентино Перез.
На „Олд Трафорд“ не сакаат така лесно да се откажат од светскиот шампион, иако „кралевите“ се сигурни дека премиерлигашот истовремено го посакува Герет Бејл во своите редови во јануари и дека тој момент може да го искористат за конечно Погба се пресели на „Сантјаго Бернабеу“.
Велшанецот некако остана во Мадрид во текот на летниот период, имаше „астрономска“ понуда од Кина, но шпанскиот гигант во последен момент побара обесштетување од Џангсу и не се реализираше трансфер.
Досега сезонава Бејл за „кралскиот“ клуб постигна два голови во седум натпревари, се наоѓа во „лоши“ односи со својот тренер, и натаму се наоѓа пред излезните врати на клубот.
Мадридската екипа верува дека тој би можел да биде „клуч“ за ангажирање на Погба, па ќе видиме како ќе се одвива ситуацијата во претстојниот зимски преоден рок.