Колумнистот Љупчо Зиков во емисијата „24 анализа“ рече дека она што е индикативно за таа интерпелација е тоа што од класичен ПР аспект, опозицијата со овие интерпелации, без разлика колку тие се подготвени, повеќе е еден пиар во пресрет на пролетта и можност луѓето да го искажат незадоволството од власта.

– Она што може да се исчита од овие предлози за интерпелација на неколку министри е фактот дека тоа се неподготвени интерпелации. Заради тоа и опозицијата ја напушти седницата според мене, на таа интерпелација ако седеше опозицијата, ќе мораше да напаѓа, зошто таа ја повика интерелацијата, вели Зиков.

Според него, во времето на Груевски, аферите се криеја под тепих. Вели дека имаше техничка влада во 2019, каде министер за внатрешни работи беше Наќе Чулев. Оваа власта не е иста како претходната и борбата со организираниот криминал и корупција се интензивира.