Зидан се пишмани, ги враќа отпишаните – Слободен печат
СпортФудбал

Зидан се пишмани, ги враќа отпишаните

Тренерот на Реал Мадрид објави дека за следната сезона се регистрирани и двајцата фудбалери кои цело лето се обидуваше да се ослободи од нив.

Реал Мадрид по поразот од Рома на пенали ги заврши контролните натпревари во пресрет на новата сезона која стартува идниот викенд.

Изненадувачки, помеѓу пријавените фудбалери за наредната сезона се наоѓа и двоецот кој ги полнеше насловните страници на весниците со можните трансфери, Герет Бејл и Хамес Родригез. Тренерот Зинедин Зидан изминатиов период постојано изјавуваше дека Бејл нема иднина на „Сантијаго Бернабеу“, истото го велеше и за Родригез, но во отсуство на адекватни понуди, тренерот е приморан да ги регистрира за наредната сезона.

– Хамес и Бејл се дел од нашиот тим. И двајцата се регистрирани за наредната сезона, но нормално е дека е можни и евентуални промени до крајот на летниот преоден рок. Јас како тренер на Реал Мадрид морам да сметам на нив – вели Зидан.
Реал Мадрид новата сезона во Ла лига ја започнува наредниот викенд со гостувањето кај Селта Виго.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close