Зидан пресече: Дефинитивно не оди во Јунајтед и чека повик од Париз

Зинедин Зидан не го интересира клупата на Манчестер јунајтед/ фото: EPA-EFE/Peter Powell

Зинедин Зидан ја одби официјалната понуда од Манчестер јунајтед да го наследи Оле Гунар Солскјер на клупата, бидејќи чека понуда од друго место.

Зидан и сопругата не се заинтересирани за преселба во Англија, им се допаѓа животот во Мадрид и немаат намера по секоја цена да го менуваат местото на живеење.

За нив, Премиер лигата не е опција, но со нетрпение го очекуваат повикот од татковината.
Како што пишуваат англиските медиуми, но и добар дел од шпанските и француските, Зидан е подготвен да седне на клупата на ПСЖ доколку Маурисио Покетино одлучи ја прифати понудата на Јунајтед и да се врати во Премиер лигата.

Иако и ПСЖ и самиот Покетино демантираа ваква опција, француските медиуми тврдат дека „светците“ ќе му дозволат на Аргентинецот да се пресели во Манчестер јунајтед доколку претходно успеат да се договорат со Зидан.

Откако со Реал Мадрид освои три титули по ред во Лигата на шампионите, Зинедин Зидан си постави високи цели и не го интересираат екипи кои не се подготвени веднаш да се борат за титулата во Лигата на шампионите.

Во тој круг е ПСЖ кој летово донесе неколку ѕвезди како Лионел Меси, Серхио Рамос, Џанлуиџи Донарума, Жоржињо Вајналдум, а во тимот веќе староседелци се Нејмар и Килијан Мбапе.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот