Зинедин Зидан минатата сабота предизвика сообраќајна несреќа во Мадрид, но сè се заврши на шармантен начин. Игнацио Фернандез возејќи низ населбата Валдебебас, при влезот во кружен тек сакаше да го пропушти возилото пред него, но при кочењето беше удрен од друг автомобил.

Иако најчесто во таквите ситуации стресот е на највисоко ниво, Фернандез многу брзо се смири кога виде дека бил удрен од Зинедин Зидан.

– Штом го видов, го препознав и му реков: Би сакал да ве запознаам во поинакви околности, но ни вака не е лошо – изјави Фернандез за шпанските медиуми.

? El sábado Zidane golpeó con su coche a un aficionado en Valdebebas

? Ignacio Fernández, conductor accidentado, en @partidazocope

? “Cuando vi a Zidane sentí un alivio, pensé: ‘Este tiene el seguro pagado’ y luego le pedí un selfie”

? #PartidazoCOPE

? @lavozdegalicia pic.twitter.com/ufTpRNS4mb

— El Partidazo de COPE (@partidazocope) February 12, 2020

Очекувано, тој не пропушти да се фотографира со тренерот на Реал Мадрид.
– Ми реков дека мора да направиме „селфи“ бидејќи во спротивно никој нема да ми поверува дека сум бил удрен од Зидан. Беше многу љубезен, ја симна капата и се фотографиравме – додаде Игнацио Фернандез.

Набрзо по сударот на Игнацио му се јавил и портпаролот на тренерот.
– Ми се заблагодари бидејќи работата беше експресно завршена и што од Зидан не барав некакви услуги како дрес на Реал Мадрид или евентуално да барам билети за натпревар на Реал Мадрид, бидејќи во тој момент Зидан одел на тренинг.