Бејл доживеа повреда во текот на репрезентативната пауза. Велшкиот интернационалец оттогаш не играше за Реал Мадрид, а од Мадрид не објавија што се случува со Герет.

– Многу околу тоа се зборува. Тој се труди, тренира, но не може да игра. Точка. Хаос се прави, бидејќи многу околу тоа се зборува, но кога е целосно подготвен, потоа знаете за каков играч станува збор – рече Зидан.

Во меѓувреме Бејл замина во Лондон, францускиот стратег истакна дека играчот доби дозвола од клубот да оди, а причините се лични.

На прашање колкави се шансите Велшанецот да го напушти „кралскиот“ клуб, Зизу одговори:

– Никогаш не зборувал за можноста да го напушти тимот. Кога ќе добие шанса за настап, ќе игра. Тој е важен играч за овој клуб – додаде Зидан.

Реал в среда ќе го игра натпреварот од 11. коло во шпанската „Ла Лига“ против екипата на Легањес.