Француската режисерка Жулија Дукорно ја освои Златната палма на 74. Кански филмски фестивал за филмот „Titane“, со што стана втората жена во историјата на фестивалот што ја добила оваа престижна награда.

Пред Жулија Дукорно, единствената жена која ја доби Златната палма беше Џејн Кемпион, родена во Нов Зеланд, која ја доби наградата во 1993 година за филмот „The Piano“.

Фимот на Жулија Дукорно беше опишан како еден од најшокантните и најконтроверзните филмови прикажани на Канскиот фестивалот на сите времиња. Имено, е едно од најуспешните дела што ќе се натпреваруваат оваа година во главната програма на најпрестижниот филмски фестивал во светот што се одржува оваа година во Кан.

Наградата за најдобра режија му припадна на Французинот Леос Каракс за филмот „Anette“.

Гран при, втората најважна награда на фестивалот по Златната палма, ја поделија иранскиот режисер Асгар Фархади и Финецот Јухо Куосманен.

Ферхади ја доби наградата за филмот „A Hero“, чиј наратив се занимава со моралните дилеми на човек кој ќе најде торба полна со пари, а филмот на Куосманен насловен „Compartment No 6“ е приказна за патувањето на една жена низ Советскиот Сојуз во осумдесеттите години од минатиот век.

Филмот на Антонет Аламат Кусијановиќ „Murina“ ја доби престижната награда „Camera d`Or“ – награда која се доделува на најдобриот дебитантски филм, а годинава се натпреваруваа 31 филм.

Наградата за најдобра машка улога ја доби Калеб Лендри Џонс за улогата во австралискиот филм „Nitram“, а актерката Реноте Ревистa ја доби наградата за најдобра женска улога за својата улога во норвешкиот филм „The Worst Person In The World“ на Јоаким Трир.

Во момент пред објавувањето на наградите, претседателот на жирито, американскиот режисер Спајк Ли, прерано го откри победникот одговарајќи на новинарско прашање за победниците поставено на француски јазик.

Минатата година фестивалот не се одржа поради пандемија, па организаторите имаа полни раце работа со овогодинешниот избор заради насловите што останаа од претходната година.