Жрепка го одлучи редоследот на кандидатите за лидер на СДСМ на гласачкото ливче
Вечерва со жрепка е утврден редоследот на кандидатите на гласачкото ливче за вонредните избори за претседател на СДСМ, соопшти партијата.
Согласно Роковникот и Правилникот, Централната изборна комисија денеска одржа жрепка за редоследот на кандидатите на гласачкото ливче за внатрепартиските избори за претседател на СДСМ.
На настанот учествувале сите кандидати за претседател на СДСМ. Според жрепката, редоследот на гласачкото ливче на вонреднте внатрепартиски избори е следниот:
1. Димитар Ковачевски
2. Фросина Ременски
3. Јован Деспотовски
Вонредните избори за претседател на СДСМ ќе се одржат во недела, на 12 декември 2021 година.
„СДСМ е единствена партија во земјата која има врвен демократски механизам за избор на претседател, во којшто членовите на директни избори го избираат претседателот на партијата“, велат од СДСМ.