Веќе две години Општина Карпош воспостави нов принцип во носењето на деталните урбанистички планови. Од општина која беше жртва на урбаната мафија каде се носеа ДУП-ови по нејзин терк, денеска сме сведоци на отворен процес во кој граѓаните директно се вклучени при креирањето на политиките и развојот на Карпош, наведуваат во соопштение од општината.

Додека пак, жителите на Трнодол со соопштение до јавноста велат сосема спротивно. Посочуваат дека допис е испратен до медиумите со цел никогаш повеќе да не се повтори ваков примитивизам кој го креираше Општина Карпош околу случувањата на најавената презентација за предлог ДУП-отза населба Трнодол, а која требаше да се оддржи вчера на 17.12.2019 во Месната заедница Пецо Божиновски, каде настана инцидент, па мораше да интервенира и полицијата.

-На вчерашната закажана Јавна презентација граѓаните требаше да ги  видат сите измени кои по нивно барање беа вметнати во Предлот ДУП-от Ј03 Блок 7, за потегот околу Трнодол, ако и само ако одредена група на граѓани, дозволеа одржување на истата презентација. Вчера бевме сведоци на насилство и агресија, свесно направени, од политички и други побуди. Заканите, нападот на службено лице на Општина Карпош, уништувањето на инвентарот потсетија на едно минато време, кога ДУП-овите се носеа далеку од очите на јавноста- стои во соопштението до медиумите.

Сепак, велат оттаму, вчеравечер имаше и голем број на разумни и чесни граѓани, кои за жал беа изманипулирани и потпаднале под влијание на лажните информации. Не е точно дека градоначалникот Стефан Богоев јавно не зборувал за овој Предлог ДУП и бегал од  граѓаните.

-Жалиме што Записникот од одржаната средба меѓу засегнатите граѓани, службите и градоначалникот сега се смета за „лажен документ”, иако истиот е потпишан од присутните лица и се постигна согласност за сите суштински работи. Иако сите клучни забелешки на граѓаните беа прифатени, одредена група свесно мораше да се измислува нови населби, и лажно да посочува дека Предлог ДУП-от се однесува за Жданец, што е целосна невистина- велат од општината.

Со цел да се избегнат лажните вести, уште минатата недела општинските служби и градоначалникот се сретнаа и на брифинг со новинари, а секојдневно ја продолжуваме комуникацијата со медиумските работници на оваа тема.

Целта на јавната презентација е стручните служби од Секторот за урбанизам и претставникот од планерската куќа, во детали, од стручен аспект да го објаснат Предлог ДУП-от, но и да одговорат на прашањата на сите заинтересирани граѓани.

-Ништо нема да не поколеба да продолжиме со отвореноста на процесот. На веб страната на Карпош достапен е Предлог ДУП-от, со графички и текстуален дел (онака како што бараа граѓаните) и сите можат да се уверат во фактот дека предлозите поднесени од нив се веќе вметнати во Предлог ДУП-от- стои во соопштението од Општина Карпош.

Завршено е времето кога урбанистичките документи се криеја и истите беа носени за потребите на урбаната мафија, велат од општината.

Додека пак, жителите на Трнодол со соопштение до јавноста велат сосема спротивно. Посочуваат дека допис е испратен до медиумите со цел никогаш повеќе да не се повтори ваков примитивизам кој го креираше Општина Карпош околу случувањата на најавената презентација за предлог ДУП-отза нас. Трнодол, а која требаше да се оддржи вчера на 17.12.2019 во Месната заедница Пецо Божиновски, каде настана инцидент, па мораше да интервенира и полицијата.

-Ние како граѓани сме првенствено разочарани од Општина Карпош и градоначалникот Стефан Богоев, кој сака насилно да го донесе овој ДУП, па и по цена да падне крв. Покрај забраната за влегување на камерманите и медиуми во салата беше забрането снимањње и сликање од страна на граганите и опомена од партиските војници на сдсм да не се снима – често со физичка закана. Зошто ? Одговорот сам се наметнува- наведуваат жителите на Тднодол.

Засегнатите граѓани од Трнодол тогаш побарале да се спреми нова презентација во нормални услови, во поголема сала имајќи го во предвид присуството и на  возрасни луѓе од населбата, заинтересирани конечно да ги чујат причините за потребата за донесување на еден ваков криминален ДУП.

-Тоа ни беше оневозможено бидејќи „платениците“ на Градоначалникот започнаа со ситни закачки и заканувања и веќе беше јасно дека овде излагање тешко дека ќе има. Впрочем и тоа им беше и намерата, воопшто да нема презентација, бидејќи на градоначалникот му беше јасно дека сиот прљав веш може да излезе на виделина- велат меѓудругото, жителите на Трнодол.

Полициска екипа интервенираше откако настана тепачка за Дуп-от во Трнодол (ВИДЕО)