ВИДЕО | Жителите на Пекинг и Шангај се враќаат на работа, метроата се преполни
Патниците кои носат заштитни маски во Пекинг и Шангај денеска ги преполнија возовите и метрото, а двата најголеми града во Кина се сѐ поблиску до „живот со ковид-19“, додека милиони луѓе ширум земјата се заразени со коронавирус, чие ширење е главно неконтролирано. По речиси три години немилосрдни ограничувања во борбата против коронавирусот, претседателот Си Џинпинг овој месец стави крај на политиката на земјата на нулта толеранција за ковид-19, заклучувања и немилосрдни тестирања, во услови на протести и ширење на епидемијата.
Здравствените експерти и жителите се загрижени дека статистиката на Кина, која не покажа нови смртни случаи од ковид-19 од минатиот понеделник до вчера, не го одразува реалниот број на смртни случаи и дека кревкиот здравствен систем во земјата е претерано оптегнат.
Beijing is bustling again after the first wave of Covid has passed by.
Millions of folks were out and about enjoying today's sunny skies.
I made a short video of my walk to share with all of you lovely people.#Today #Beijing #China pic.twitter.com/0wixvNfYqI
— Jason – 上官杰文 (@ShangguanJiewen) December 26, 2022
По првичниот шок од промената на политиката и неколку недели во кои жителите на Пекинг и Шангај останаа во затворени простории, справувајќи се или обидувајќи се да ја избегнат болеста, има знаци дека животот е на пат да се врати поблиску до нормалата.
Оваа година, во обид да се спречи ширењето на инфекцијата низ земјата, 25 милиони луѓе во трговскиот центар на Кина издржаа два месеци горчлива изолација под строги карантини што траеја до 1 јуни.