Се одиграа уште три натпревари од 21. коло во Премиер лигата, на домашен терен на „Етихад“ стадионот Манчестер сити со 2:1 го совлада Евертон.

На тој начин „граѓаните“ ги запреа „карамелите“ кои имаа две победи по ред од доаѓањето на новиот менаџер Карло Анчелоти.

Трите бода за период од седум минути во второто полувреме за Сити ги донесе бразилскиот интернационалец Габриел Жезус, а неговиот сонародник Ришарлисон го постигна единствениот погодок за гостите.

Норич ремизираше со Кристал Палас, а пред своите навивачи фуриозно во Новата година стартуваа играчите на Вест Хем со триумф од 4:0 над Борнмут. Нобле запиша два голови, а по еден имаа Халер и Андерсон.

Претходно објавивме дека Тотенхем беше непријатно изненаден кај Саутемптон, а Челзи одигра само нерешено против екипата на Брајтон.

Да додадеме уште дека вечерва е дербито на рундата, на „Емирати“ стадионот во Лондон Арсенал е домаќин на Манчестер јунајтед.