ЖЕСТОКО ВО ХОНГКОНГ: Полицијата тепа демонстранти, има и повредени
Во Хонгконг денеска е забележана нова жестока пресметка меѓу демонстрантите и полицијата, во која има и многу повредени.
Околу десетици илјади демонстранти се собрале во индустрискиот дел на Хонгконг, Квун Тонг, одбележувајќи 12 недели протест. Кога пристигнала полицијата, дошло до пресметка меѓу присутните полицајци и демонстранти.
Полицијата исфрлила солзавец кон демонстрантите, во форма на муниција, по што прво тие почнале да бегаат, а потоа дошло до меѓусебна пресметка.
Според сведоците, ова е чиста злоупотреба на полициската моќ. Голем број демонстранти не можеле да избегаат бидејќи и најблиските метростаници биле затворени.
Овие протести се по повод нацрт-законот за екстрадиција на осомничени лица во Пекинг, а денеска веќе заземаат размери на голем антивладин протест.