Жерновски до Мицкоски: Да се прикажуваш како херој со лажни вести и да шириш дефетизам, е жалосно
Во ситуација, кога се соочуваме со смртоносна пандемија која не познава полова, верска, национална или политичка разлика, секојдневно да го напаѓаш министерот за здравство, да шириш дефетизам и да се прикажуваш како херој преку објавување на лажни вести е во најмала рака- жалосно, напиша заменик министерот за надворешни работи Андреј Жерновски на својот фејсбук профил.
Тој објави и слики од статусот на претседателот на ВМРО-ДПМНЕ, Христијан Мицкоски, како и објавата на словенечкото министерство за одбрана во врска со хуманитарната помош од Словенија за Северна Македонија.
– Во некои други времиња, политичкиот прагматизам би ме натерал да се радувам на оваа инфантилна постапка и лага на првиот човек на опозицијата, напиша Жерновски.
Министерство за одбрана на Република Словенија на Твитер објави дека со специјален лет е доставена хуманитарна помош за Република Северна Македонија.
Cooperation and #solidarity are vital in responding to #COVID19. ?? sent our newest #NATO Ally ?? assistance in form of personal protective equipement.#WeAreNATO #StrongerTogether https://t.co/cZ9ZbyxcRk
— Slovenia at NATO (@SloveniaNATO) April 4, 2020
In our response to #COVID19 cooperation and solidarity is crucial. Today Slovenian Armed Forces delivered #Slovenia’s assistance to #NorthMacedonia in form of personal protective equipment. #WeAreNato #WeAreAllies #StrongerTogether with @Slovenskavojska @URS_ZR pic.twitter.com/XeKCkyQNcs
— MO RS (@MO_RS) April 3, 2020
Мицкоски оваа помош од солидарниот фонд на ЕУ за КОВИД 19 и логистичката поддршка на НАТО, ја препиша како своја заслуга.
