Женската репрезентација на Македонија до 17 години квалификацискиот турнир за Европското првенство кое ќе се игра ова лето го започна со пораз од 13:0 од Германија.

Натпреварот во Лисабон беше отворен по само три минути игра, Германките доминираа во текот на целиот натпревар и разликата во квалитет беше очигледна.

Гонзалес во првото полувреме постигна четири гола од 3-тата до 42-та минута, а Германија на пауза замина со 5:0. Не застана Германија ниту во второто полувреме, па нашата мрежа се тресеше уште седум пати.

За три дена не чека натпревар против домаќинот Португалија, додека последното коло, кое е на програмата на 29. март, играме против Унгарија. Во составот на Катерина Милеска за овој турнир се:

Голмани: Ведрана Комненова, Мери Васева;

Одбрана: Слаѓана Ѓорѓиева, Ива Јованоска, Мина Коваческа, Елена Љондевска, Михаела Марковска, Мила Панева, Катерина Петкова;

Среден ред: Теона Галабовска, Ива Јосифова, Рона Рустеми, Никица Трендова, Васка Василева, Ева Величкова;

Напад: Ана Борзоска, Мелиса Милица Димитриски, Анастасиа Илиевска, Настасја Накова, Јована Павловска;