Постојаните притисоци создадени од самиот факт дека сте родител можат да остават трага на човекот. Но, една нова студија открива дека жените доживуваат повисоко ниво на стрес од своите партнери, а не од децата, пренесува „Time“.

Истражувањето спроведено на над 7.000 мајки открива дека просечното ниво на стрес, во моменти кога сме многу загрижени е околу 8,5 од можните 10.

Приближно 46% од жените изјавиле дека нивните партнери им создаваат најголем стрес на дневна основа. Многу мајки се пожалија дека на својот партнер гледаат како на едно големо дете.

Тие исто така веруваат дека стресот што го доживуваат со децата е целосно различен од стресот предизвикан од партнерот и постои вообичаена ситуација на недоразбирање во врска со воспитувањето на децата. Се разбира, тоа дополнително го зголемува нивото на стрес.

¾ од обврските поврзани со семејството се на мајките, а стресот се јавува затоа што тие често немаат доволно време да направат сè што навидум се очекува од нив.

Повеќето мајки признале дека најстресно за нив е тоа што се чувствуваат како никој да не забележува што и колку работи прават за семејството како и дека чувствуваат недостаток на поддршка од нивните партнери.

Хал Рункел, терапевт и автор, вели дека проблемот не е во партнерите, туку во врската (или бракот), истакнувајќи дека дури и совршените врски понекогаш се извор на стрес. Љубовните конекции се многу потешки односи отколку со децата, и ако се комбинираат тогаш имате совршен рецепт за стрес.