Во доцните триесетти и во раните четириесетти, жените често откриваат нова страна на сопствената сексуалност, а на многумина омилената активност им станува токму забавата во кревет.

Експертите ја објаснуваат оваа појава со отчукувањето на биолошкиот часовник и желбата да се „искористат преостанатите години за создавање потомство“. Лаички кажано, како што жените стареат, тие повеќе водат љубов, и тоа многу повеќе.

Студијата објавена во списанието „Personality and Individual Differences“ опфатила 827 жени поделени во три групи: висока плодност (од 18 до 26 години), ниска плодност (27 до 45 години) и менопауза (46 години и постари).

Врз основа на одговорите на учесниците во онлајн анкетата, истражувачите откриле дека жените на возраст од 27 до 45 години (оние во категоријата со ниска плодност) имаат „зголемен сексуален нагон како одговор на опаѓањето на плодноста“ и имаат „чести сексуални фантазии и активен сексуален живот, па спремни се за повремен секс без обврски“.