Истражувачите во соработка со апликацијата „Клу“, која е наменета за жени, ги испрашале жените од целиот свет какви карактеристики треба да има нивниот совршен партнер. 

Др. Тања Герлах, која го водела истражувањето, рекла: „ Она што луѓето го сакаат кај партнерот ги фасцинирало истражувачите и лаиците. Истражувањето за идеален партнер е единствено по тоа што жените од целиот свет – преку различни сексуални ориентации и животни фази – дале богат увид за тоа што им е најважно. Ова ни овозможува да направиме многу поинаква слика за желбите на жената за долги и кратки врски.“

Истражувањето, во кое биле вклучени повеќе од 68.000 жени, покажало дека на жените личноста на мажот им е поважна од изгледот, кога бараат партнер за врска.

Љубезност и добрина (88,9%), поддршка (86,5%), интелегенција (71,3%), образование (64,5%) и доверба (60,2%) биле најважните фактори за жените кога се во прашање долгите врски, додека богатството и моќта биле помалку важни.

Сепак, на прашањето какви физички карактеристики треба да има совршениот маж, жените изјавиле дека најважна е привлечната насмевка, убавите очи, големите раце, кратката коса, атрактивниот грб, мускулестите раце, но и брада или мустаќи.

Жените заклучиле дека совршениот маж има пенис со просечна големина .

Кога станува збор за изгледот на телото, само 2,5% од жените изјавиле дека претпочитаат набилдани, мускулести мажи. Најпривлечниот изглед на телото е онај просечниот (44,85% од испитаничките), додека на второ место со 34,8% од испитаничките го избрале спортскиот, фитнес изглед.