Во финалето на женскиот тениски турнир на Олимписките игри во Париз Женг Чинвен од Кина со 6:2 и 6:3 ја совлада Хрватката Дона Векиќ.

Кинеската тенисерка подобро го започна мечот и поведе со 30, а со нов „брејк“ во осмиот гем го доби првиот дел од мечот во 48 минута.

Женг поведе со 2:0 во вториот сет, но Векиќ успеа веднаш да го врати загубениот сервис. Во осмиот гем кинеската тенисерка ја искористи четвртата прилика за брејк и сервираше за победа.

Двете промашени враќања на Векиќ на вториот сервис и една добро одиграна кратка топка и донесоа меч поен на кинеската тенисерка, која ја искористи за да ја натера хрватската тенисерка на грешка по еден час и 46 минути.

Така, 21-годишната Женг стана првата кинеска тенисерка која освоила олимписки медал во сингл конкуренција и веднаш го освои златниот медал во своето деби.

Пред неа, Ли Тинг и Сун Тиантијан станаа олимписки победнички во 2004 година во Атина во двојки.