Жената со најтемниот тен на светот: Црното е прекрасно, црното е одважно, црното е злато (ФОТО)
– Јужен Судан, земјата во која луѓето имаат толку темна кожа, што нема да им верувате на сопствените очи. Толку богата кожа и толку бели заби. Пред некој ден возачот ми рече: „Немој да се навредиш, ама некој да ти даде 10.000 долари, дали би ја избелила својата кожа?“ Не можев да зборувам од што многу се смеев. Реков дека секако дека нема, зошто некогаш би го избелила тој прекрасен меланин со кој Бог ме благослови. Не би поверувале какви сè прашања добивам и како ме гледаат поради мојата кожа – вели 24-годишната модна икона, Нјаким Гатвеч.
Манекенката има полни раце работа за да ги урне бариерите на разноликоста, ширејќи позитивности за убавината.
„Убавината е во очите на набљудувачот. Мојата чоколада е елегантна. Како и она што го претставувам. Претставувам нација на воини. Можете тоа да го видите на мене. МаМа Африка. Моите корени стигнуваат длабоко“, напиша Нјаким на една од своите фотографии на Инстаграм.
„Црното е прекрасно, црното е одважно, црното е злато. Не му допуштајте на американскиот стандард да ја уништи вашата африканска душа“, додала.
„Мојот нов прекар е Кралица на црнилото и го обожавам. Засакајте се себеси и цел свет ќе ве засака“, додава Нјаки.
