Жена заборави торба со 40.000 евра во автобус

пари евра
Фото: Unsplash

Жена во Нимес, Франција, град на југот на земјата, сигурно била во голем шок кога утврдила дека во моментот на невнимание во автобусот заборавила торба со 40.000 евра.

Благодарение на чесноста на вработените во автобуската компанија, таа сега е повикана во полиција да си ги земе работите, објави во понеделникот весникот „Миди либре“.

Возачот на автобусот ја пронашол торбата откако му завршила смената и ја оставил во складиштето на автобусот, но во неа не погледнал.

За да се пронајде сопственикот, друг вработен ја отворил торбата и во неа нашол 40.000 евра во мали банкноти, како и документи кои го докажуваат легалното потекло на парите.

Видео на денот