Жена се породи под мост во Прилеп
Жена сама се породила под мостот на улицата „Димо Наредникот“ во градот, каде што живеела. Од речното корито нејзе и нејзиното бебе ги извадила екипа на противпожарната служба, пренесува Маркукуле.
Согласно пишувањата на очевидците на социјалните мрежи, жената била од ромска националност. Таа подолго време живеела токму пред мостот, а често и помагале жителите од околните згради.
Според сведоците, жената и бебето биле однесени со возило на брзата помош, апелирајќи до надлежните да не се повторуваат вакви настани.
На местото на настанот биле присутни екипи на брзата помош и пожарникари кои интервенирале да ги извлечат жената и детето од речното корито.
-Од општината ќе има акција по повод настанот, но се уште не е дефинирано што конкретно ќе се преземе. Ќе информираме дополнително кога ќе ги имаме деталите –велат од кабинетот на градоначалникот Борче Јовчески за ,,Фокус” околу тоа дали дали општината ќе обезбеди сместување за неа и за новороденчето.