Жена од Србија има 60 години и е вистински херој: Оваа „нинџа“ е мојата мајка и работи по 12 часа дневно! (ФОТО)
Борбата со коронавирусот станува потешка и потешка, а како и ширум светот, така и во соседна Србија бројот на заболени станува се поголем.
Медицинските работници се во прв ред од оваа битка, а колку е тоа важно и колку токму тие работници се решени да му застанат на патот на вирусот, ни покажа и Дејан Дериќ, момче од Белград, чија мајка, Драгана, иако и сама влегува во ризичната група по годините, а и поради тоа што е хронично болна, се наоѓа помеѓу оние кои секојдневно минуваат по 12 часа со пациентите чие здравје е загрозено.
Тој на Фејсбук стави слика од својата мајка и нејзините колеги, а под фотографијата која кажува повеќе од зборови, упати силна порака до сите:
„Оваа нинџа скроз десно е мојата мајка, има 60 години, а иако се однесува како да е 30 таа влегува во ризичната група, не само поради годините, туку бидејќи е и хронично болна. Меѓутоа, таа и натаму ја почитува Хипократовата заклетва и работи смена од 12 часа за да им помогне на другите. Таа не е единствена. Сите кои се наоѓаат таму се на чекор од зараза и можноста и сами да ги остават своите семејства засекогаш. Сето ова ќе помине, но и по ова, ќе ни требаат сите тие луѓе, како во своите професии, така и во нашите семејства и животи. Сите тие луѓе се нечии мајки, татковци, синови и ќерки. Бидете разумни, солидарни, бидете луѓе, останете дома“, гласи статусот на Дејан.
Ovaj nindža skroz desno je moja mama, ona ima 60 godina, i ako se ponaša kao da ima 30, ona je rizična grupa, ne samo…
Publiée par Dejan Djeric sur Mardi 31 mars 2020