Ивана Костовска е една од архитектите кои придонесоа за новото убаво лице на Зоолошката градина во Скопје. Идејниот проект за новото живеалиште на фламингата, кое неодамна беше отворено за јавноста, е дело на Ивана, која се инспирирала од природното опкружување на самиот вид животни, употребувајќи природни материјали, камен и дрво, а базенот е опкружен со многу зеленило. Станува збор за едно од најубавите живеалишта за овие егзотични птици во Југоисточна Европа. Веднаш до живеалиштето на фламингата е сместено живеалиштето на пингвините, кое ќе биде отворено во текот на летото, а исто така е дело на оваа архитектка.

А, бидејќи архитектите се често во позадината на убавите приказни, еве, извикуваме гласно – браво Ивана!