Тренерот на Анадолу Ефес, Ергин Атаман, смета дека е време некој европски тренер да стане тренер на НБА тим, а идеален избор за тоа е Жељко Обрадовиќ.
– Мислам дека сега е најопуштен, не е под стрес како ние. Има девет титули во Евролигата – вели Атаман за српскиот тренер кој си зема едногодишна пауза.

Атаман се надева дека челниците на НБА лигата но и на НБА екипите, ќе се согласат дека европската кошарка е подобра и дека треба да го повикаат најдобриот европски тренер.
– Обрадовиќ заслужува да тренира НБА екипа и можеби да им ги отвори вратите на сите успешни тренери и тие еден ден да добијат шанса за тоа. Не само кошаркарите, сега е време во НБА да заминат и европските тренери – порачува Атаман.
Жељко Обрадовиќ моментно е без ангажман откако си замина од Фенербахче со кого во 2017 година триумфира во Евролигата.