Жан-Пјер Лакроа: Мировните сили на ОН соочени со сѐ поголем број закани

Жан-Пјер Лакроа
Жан-Пјер Лакроа / Фото: EPA-EFE/MARTIAL TREZZINI

Повеќе од 66 000 членови на мировните сили на ОН се соочуваат со поголеми закани денес, бидејќи конфликтите станаа посложени и се погодени од голем број фактори – од етнички тензии и влијанието на организираниот криминал до незаконска експлоатација на ресурси и тероризам, изјави шефот на мировните сили на ОН, Жан-Пјер Лакроа.

Тој истакна дека дури и во споредба со пред две или три години, „повеќето мировни мисии се соочуваат со влошена политичка и безбедносна средина”. Дополнително, подеднакво е важно и тоа што конфликтите се „повеќеслојни”, многу често локални и национални, но и регионални и глобални.

Како пример го посочи сиромашниот регион Сахел во Африка, каде се почесто се спроведуваат терористички активности.

Бројни фактори предизвикуваат промени во начинот на функционирање на мировните сили на ОН, почнувајќи од зголемениот број на политички поделби меѓу 193-те земји-членки на светската организација, изави тој.

Се поголем број на конфликти се генерирани од т.н „Засилувачи на конфликти” кои вклучуваат дигитални технологии, влијание на лажни вести и дезинформации за конфликти и „вооружени групи кои користат се пософистицирани средства за да ги поткопаат мировните операции на ОН”.

Извор: МИА

Видео на денот