Зголемените плати во туризмот ги намалија профитите во Хрватска

Водечките туристички компании во Хрватска, и покрај реалниот раст на физичкиот промет и приходите оваа сезона, бележат намален профит, а се намалува и рентабилноста.

Истражување спроведено од водечките туристички компании во Хрватска за клучните индикатори за бизнис за првите девет месеци од оваа година покажа дека компаниите постигнале 5,3 проценти зголемување на приходите.

Сепак, како резултат на зголемувањето на оперативните трошоци, бруто-оперативната добивка е помала во однос на истиот период лани.

Тоа се резултатите што беа објавени во кварталната публикација на Хрватскиот туристички одбор, наречен Туристички импулс Q4.

На намалувањето на профитабилноста најмногу влијаеше зголемувањето на трошоците за работна сила. Туристичките компании издвојувале просечно 10,5 проценти повеќе за вработените оваа година, а некои компании скоро 18 проценти повеќе отколку во претходната година, објави Индекс.

Стапката на рентабилност, што ја покажува профитот во периодот во однос на вкупните ангажирани средства, е намалена на екстремно ниски 7,9 проценти.

Индикаторот за профитабилност е еден од клучните фактори при донесувањето одлуки за инвестиции, а во другите медитерански земји тој индикатор се движи од 10 до 12 проценти.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот