ЗГОЛЕМЕНИ СТАНДАРДИТЕ ВО ХРВАТСКА: Од првиот ден на 2020 година минималната плата ќе изнесува 435 евра – Слободен печат
ВестиЕкономија

ЗГОЛЕМЕНИ СТАНДАРДИТЕ ВО ХРВАТСКА: Од првиот ден на 2020 година минималната плата ќе изнесува 435 евра

Хрватскиот премиер Пленковиќ се пофали дека во комбинација со со даночната реформа, зголемени се и приходите и стандардот на граѓаните.

Хрватскиот премиер Андреј Пленковиќ, на владина седница најави зголемување на минималната плата на 3.250 куни (435 евра) од првиот ден на 2020 година. Во мандатот на актуелната хрватска Влада минималната плата во Хрватска е зголемена за околу 100 евра.

Пленковиќ се пофали дека во комбинација со со даночната реформа, зголемени се и приходите и стандардот на граѓаните.

– Владината политика во подрачјето на јавните финансии обезбеди зголемување на приходите на граѓаните и нивниот стандард, а истовремено ја подобри позицијата на Хрватска на меѓународните финансиски пазари, истакна Пленковиќ.

Истовремено, хрватската Влада се откажа од намалување на стапката на ДДВ.

Зборувајќи за ребалансот на буџетот за 2019 година, кој исто така е на владина седница, Пленковиќ нагласи дека ребалансот е во насока на планираните трошоци и дека тоа претставува „порака на доверливост, предвидливост и стабилноста на работата на Владата”.

Што се однесува на буџетот за следната година, според појаснувањето на Пленковиќ, се темели на проектираната стапка на раст од 2,5 отсто. Тој го истакна и намалувањето на уделот на јавниот долг во БДП на 71,5 отсто, што според него, ја јакна хрватската положба на меѓународните финансиски пазари и влијае на подобрување на кредитниот рејтинг.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close