Зголемен е бројот на американски војници повредени во нападот на Иран

Фото: Профимедиа

Нападот врз американската база се случи на 8 јануари, по тензиите кои настанаа по убиството на иранскиот генерал Касем Сулејмани, а американскиот претседател Доналд Трамп првично изјави дека во нападот никој не е повреден.

Бројот на американски војници стационирани во американската база во Ирак, која Иран ја нападна на почетокот од јануари, а кои претрпеле трауматска повреда на мозокот (ТБИ) нагло се зголеми на 109, соопштија американски официјални претставници.

Ова претставува нагло зголемување на бројот на повредени со оглед на тоа што според првичните податоци на Пентагон беа повредени 64 војници, пренесува Би-Би-Си.

Нападот врз американската база се случи на 8 јануари, по тензиите кои настанаа по убиството на иранскиот генерал Касем Сулејмани, а американскиот претседател Доналд Трамп првично изјави дека во нападот никој не е повреден.

Како што се наведува, 70 проценти од војниците повредени во нападот се вратиле на должност, а во досега откриените случаи на ТБИ, станува збор за полесни повреди за кои е потребно време да се откријат.

Минатиот месец кога Трамп беше прашан за влијанието на нападот врз појава на ТБИ, тој рече дека слушнал оти војниците имаат главоболки и некои други симптоми кои не се опасни.

Според американската армија, ТБИ е честа појава во воените зони, а најчесто е предизвикан од експлозии.

Оваа болест е класифицирана како лесна, умерена, тешка или продорна.

Од 2000 година ТБИ е дијагностициран кај повеќе од 400.000 војници, соопшти американската Влада.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот