Зголемен бројот на патници во градскиот, помалку се користат меѓуградскиот и меѓународниот превоз

јсп автобус
Автобус на ЈСП /фото: Архива на Слободен печат

Бројот на превезените патници во градскиот превоз во третиот квартал годинава во однос на тој квартал лани бележи зголемување за 5,7 отсто, во приградскиот превоз за 6,5 отсто, додека во меѓуградскиот превоз е намален за 26,5 отсто, а во меѓународниот превоз намалувањето изнесува 12,1 отсто, објави Државниот завод за статистика.

Во однос на второто тримесечје од 2019 година, вкупниот број превезени патници е намален за 13,4 отсто. Според видот на превозот, бројот на превезените патници во градскиот превоз е намален за 14,7 отсто, во приградскиот превоз за 13,3 отсто, во меѓуградскиот превоз за 9,1 отсто, додека во меѓународниот превоз е зголемен за 28,7 отсто.

Објавените податоци покажуват во третото тримесечје од 2019 година, во однос на истиот период од 2018 година, вкупниот број на патничките километри во патниот патнички превоз е намален за 5,9 отсто. Според видот на превозот, бројот на патничките километри во градскиот превоз е зголемен за 4,9 отсто, во приградскиот за 8,1 отсто, додека во меѓуградскиот превоз е намален за 25,2 отсто, а во меѓународниот превоз намалувањето изнесува 1,7 отсто.

Во однос на второто тримесечје од 2019 година, вкупниот број на патничките километри е зголемен за 0,3 отсто. Според видот на превозот, бројот на патничките километри во градскиот превоз е намален за 14,2 отсто, во приградскиот превоз за 13,2 отсто, додека во меѓуградскиот превоз е зголемен за 4,9 отсто, а во меѓународниот зголемувањето изнесува 22 отсто.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот