ЗГМЕЧЕНИ ПРСТИ и ФРАКТУРА на дланката: Метална статива падна врз малолетник
Малолетник од Велес е тешко повреден откако врз него паднала метална статива на ракометното игралиште во велешкиот Градски парк.
Од велешката полиција информираат дека кај нив вчера во 16:25 часот било пријавено дека во итната медицинска помош во Велес со тешки телесни повреди бил донесен 12-годишниот Л.Н., на кого на едната рака му паднала стативата и му ги згмечила прстите.
Од Брза помош детето веднаш било препратено во велешката Општа болница. Како што информира за МИА, д-р Тодор Јаковлевски портпарол на ЗЈУ Општа Болница Велес, од рентген снимката е увидено дека детето се здобило со тешки повреди – згмечени прсти и фрактура на коските на шаката.
Поради тежината на повредата момчето од велешката Општа болница со возило за итна помош било префрлено на понатамошно лекување на Клиниката за пластична хирургија во Скопје.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот