Земјотрес во НБА: Кевин Дурент побарал да биде разменет во Феникс?!
Еден од најдобрите кошаркари на денешницата, Кевин Дурент, побарал од челниците на Бруклин нетс да биде разменет, објавија новинарите Шемс Чанарија и Адријан Војнаровски. Наводно и порачал на управата на Бруклин дека сака следна дестинација да му биде Феникс санс.
Kevin Durant made the trade request directly to Nets owner Joe Tsai today, sources tell ESPN.
— Adrian Wojnarowski (@wojespn) June 30, 2022
Тоа што се навестуваше во изминатите неколку дена, денеска се реализира, Дурент не сака повеќе да го носи дресот на Бруклин нетс кој во изминатите две години иако имаше супер трио во Дурент, Кајри Ирвинг и Џејмс Харден, не успеа да дојде до титулата.
Најголем успех на „мрежичките“ беше пласманот во финалето на Источната конференција во 2021 година кога загуби од Милвоки бакс кој пак подоцна ја освои титулата откако во големото финале го совлада Феникс санс.
Phoenix and Miami are among two of the teams that Kevin Durant has on his wish list, sources tell ESPN, but the Nets plan to move Durant where they can get the best possible deal. With four years on his contract, there’s no shortage of teams willing to unload assets for Durant.
— Adrian Wojnarowski (@wojespn) June 30, 2022
Токму Феникс се споменува како идна дестинација на Дурент, а во игра е и тимот на Мајами хит.
Кевин Дурент во Бруклин нетс пристигна во 2019 година заедно со Ирвинг. Првата сезона ја пропушти бидејќи се опоравуваше од повредата на ахиловата тетива, а во последните две сезони играше во плеј-офот, но не успеа да му го донесе на Бруклин тоа поради што беше ангажиран – шампионската титула.
Покрај Бруклин, Дурент во својата НБА кариера има настапувано уште и за екипите на Оклахома Сити тандерс/Сиетл Суперникс и за Голден Стејт вориорс со кого освои две шампионски титули (2017,2018).