„Земјотрес“ во Јувентус, ултиматум на Роналдо

EPA-EFE/ALESSANDRO DI MARCO

Во таборот на Јувентус не можат да се помират со фактот дека походот кон титулата во Лигата на шампионите го завршија уште во четвртфиналето.

Атмосферата во соблекувалната е на најниско ниво, а првата ѕвезда на тимот, Кристијано Роналдо е бесен поради елиминацијата од Ајакс и размислува да си замине од клубот доколку не се случат големи промени во летниот преоден рок, пренесуваат италијанските медиуми.

Роналдо е лут на тренерот Масимилијано Алегри поради лошата тактика во реваншот со Ајакс на кој Јувентус имаше сè во свои раце, имаа поволен резултат (1:1) од првиот дуел, и играа на домашен терен. Тој не може да сфати зошто Алегри се одлучи за дефанзивен пристап против Ајакс, а исто така е лут и поради тоа што Кансело беше оставен на клупата за резерви иако тој беше еден од најдобрите играчи на првиот натпревар во Амстердам.

Според медиумите во Италија, Роналдо побарал промени во тимот за наредната сезона, а прв на неговата „листа за отстрел“ е тренерот Алегри и доколку тоа не се случи се заканил дека ќе го напушти Јувентус.

Управата веднаш реагира на ултиматумот на Роналдо и започнала преговори со Интер за размена, во која Пауло Дибала би заминал во Милано, а во обратен правец би дошол Мауро Икарди.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот