Земјотрес ја уништи најпознатата природна атракција во Порторико (ВИДЕО)
Вчерашниот земјотрес со силина од 5,8 степени по Рихтер ја уништи најпознатата природна туристичка атракција и природни симболи на Порторико, познатата Пунта Ветана, пренесуваат медиумите.
Во земјотресот се повредени осум лица, а како што пренесоа локалните медиуми, срушена е и една црква. Официјалните лица предупредија дека постои можност повеќе објекти да се оштетени, за што ќе имаат информација откако ќе се вратат во функција телефонските линии.
Гувернерката на Порторико Ванда Васкез потврди дека нема извештаи за загинати лица, но побара затворање на јавните институции и ги повика граѓаните да останат мирни додека не се испитаат оштетувањата на објектите.
Таа вчера прогласи вонредна состојба и ја активираше Националната гарда.