Земјоделците бараат стабилни откупни цени, трговците ветуваат пласман без проблеми на пролетната зелка

На десетина дена пред почетокот на интензивната берба на пролетната зелка и земјоделците и трговците очекуваат пласманот да помине без турбуленции и дека нема да се повторат ланските слики со откупот на пролетната зелка, кога револтот на земјоделците кулминира со блокади заради ниските откупни цени.

Трговците оптимизмот го темелат на фактот што зимската зелка годинава по подолго време има добра откупна цена, која пред крајот на бербата е околу 35 денари за килограм, а сигурниот пласман на пролетната зелка го поврзуваат со фактот дека нема одеднаш да стаса целото производство.

-Годинава помал дел од пролетната зелка е засеан пред големите студови и мразот, а останатиот, поголем дел, потоа. Очекуваме да се појави вакуум од 15 до 20 дена, по што ќе стаса за берба и пролетната зелка што е засеана на отворено. Тоа ни дава за право да сметаме дека нема да има хиперпроизводство и барање да се откупи зелката по секоја цена, смета Благој Витанов, трговец од Струмица.

Прочитајте и...  Франција е на петто место по број на смртни случаи во светот

Очекува откупната цена на почетокот да изнесува од 35 до 40 денари за килограм.

-Понатаму не очекувам откупната цена да падне под 20 денари и таква да остане до крајот на сезоната, смета Витанов.

Според него, значајно е и кога ќе стаса пролетната зелка во соседството, посебно во Србија. Доколку и таму стаса во исто време како кај нас, тогаш може да се очекува тоа да има влијание врз откупната цена на македонската зелка.
Производителите на пролетна зелка не очекуваат дека ќе се повтори ланската лоша година, кога мака мачеа со пласманот.

-Иако на одредени површини се берат мали количини зелка, сепак сè уште е рано да се каже што ќе се случува. Но, ако се суди по сегашните цени, кога пролетната зелка се продава за 50 денари за килограм на мало, тогаш треба да очекуваме добра сезона, смета Коце Божиков, производител на пролетна зелка од селото Дабиле.

Прочитајте и...  Датумот за избори сѐ поблиску, договорот меѓу партиите сѐ подалеку!?

Додава дека за нив е најважно во текот на целата откупна сезона откупната цена да не падне под 20 денари.

-На почетокот на бербата и пласманот сосема е очекувано пролетната зелка да има повисока цена, но доколку до крајот на производствениот циклус не падне под 20 денари за килограм, тогаш можеме да кажеме дека сме поминале добро, рече Божиков.

И други откупувачи го делат оптимизмот на земјоделските производители за успешен пласман на една од првите раноградинарски култури.

-Очекувам добра сезона, бидејќи нашата пролетна зелка нема да стаса одеднаш и со тоа да се создаде вишок на пазарот. Очекувам динамиката на берба да трае од 2,5 до 3 месеци и тоа е добро и за производителите и за нас. Секако, многу е важно оваа култура да има добра откупна цена доколку ресорното министерство ги одржува неделните откупни цени што се законска обврска за откупувачите, смета Ацо Стоилков, откупувач од Струмица.

Прочитајте и...  Истражување на Тајмс: Тајната на „балканскиот успех против коронавирусот“ и влијанието на бесеже вакцината

Трговците потврдуваат дека пласманот на земјоделски производи тече непречено на сите пазари. Најголем дел од годинашново производство на зимска зелка заврши во Романија, потоа во Украина, Србија, Бугарија и во Русија. Очекуваат на истите пазари да се пласира и пролетната зелка.

Инаку, во Струмичкиот Регион се засадени над илјада хектари под оваа култура и се очекува принос од над 50 илјади тони.

Прочитај повеќе

Во секоја фирма ќе мора да има ковид-координатор

Весна Дамчевска

Османи: Вонредната состојба да се искористи за максимален фокус врз здравственото прашање, но и за комуникација меѓу партиите

МИА Агенција

Основачот на „Зум“ за еден ден заработи 800 милиони долари

Слободен печат

Избрана новата Влада на Косово предводена од Авдулах Хоти

Слободен печат

Полицајци синоќа правеле забава во кратовското село Куклица

МИА Агенција

ОПЕК: Се разгледуваат две опции за следниот период

Слободен печат

Остави Коментар

Прочитај повеќе

Хамнеи: САД се однесуваат кон другите, исто како полицајците кон Флојд

Слободен печат

ВОЗНЕМИРУВАЧКО ВИДЕО: Убиен пензиониран полицаец кој се обидел да спречи грабеж за време на протестите во САД

Слободен печат

„Комунална хигиена”-Скопје со апел за навремено плаќање на побарувањата за собирање и транспорт на отпадот

Слободен печат

Полска: Претседателските избори ќе се одржат на 28 јуни

Слободен печат

Јавниот долг на Грција се приближува до 200 отсто од БДП: Земјата спас гледа во туристите и кредиторите

Слободен печат

Четири лица починаа, 101 нов случај на Ковид-19 во земјава

Слободен печат