Земјите членки на ЕУ ја поддржаа Ковеси за нов европски обвинител

Фото: Миа

Амбасадорите на земјите членки се изјаснија за кандидатурата на Романката Лаура Ковеси на функцијата европски обвинител.

Европскиот Парламент исто така ја поддржа Ковеси пред неколку месеци, како и со денешното гласање на ниво на земјите членки, Романката е речиси сигурна дека ќе стане првата обвинителка на ниво на ЕУ и покрај противењето на романската влада.

Лаура Ковеси беше на мета на социјалдемократската влада во Романија во последните месеци поради нејзината работа како обвинител во антикорупциската единица. Ковеси беше разрешена, а владата во Букурешт не ја поддржа нејзината кандидатура за европски обвинител.

Повеќе европратеници ја поздравија одлуката на амбасадорите на ЕУ денеска како и искуството и интегритетот на Ковеси.

Како ЕУ обвинителка Ковеси ќе биде задолжена да ги гони злоупотребите на европските фондови во земјите членки.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот