Земаат плата, а не клатат ни врата

Дваесет вработени во Министерството за здравство воопшто не доаѓаат на работа и си земаат плата, а 22 лица само повремено се појавуваат на работното место, утврдиле државните ревизори во контролата на работата на ова министерство за 2017 година.

Тие го прочешлале системот на внатрешни контроли во врска со исплатата на плати и утврдиле дека Министерството за здравство (МЗ) нема процедура за пресметка и исплата на плати со дефинирани надлежности и одговорности на лицата во процесот.

„Не функционираат воспоставените внатрешни контроли кои треба да спречат ризик од исплата на плата врз основа на присуство на работното место пократко од предвиденото. Со увид во листите на редовност во системот за евиденција на работното време за четири месеци утврдивме дека 20 лица воопшто не се евидентирале во системот, а за 22 лица констатиравме дека само повремено се регистрираат, со периоди на отсуство од работното место кои траат и над еден месец. Пресметката на платата се врши врз основа на прегледи доставени од раководителите на секторите, кои не кореспондираат со податоците од електронските листи за редовност. Ваквиот начин не е во согласност со Законот за работни односи и создава ризик исплатените плати да не се резултат на реално одработени часови и присуство на работното место“, напишале ревизорите.

Прочитајте и...  Невладините организации ќе добијат од Владата 30 милиони денари

На Министерството му е дадена препорака да ја донесе процедурата за пресметка и за исплата на плати, која треба да се темели на податоците од електронската евиденција на работното време и сите вработени да ги регистрираат своите отсуства и присуства на работното место!

Утврдено е и дека во МЗ има лица што се ангажирани во континуитет од една година на работни места кои не се систематизирани.

„Министерството во 2017 година исплатило 95.000 евра за ангажирање 16 лица по договор на дело како и 47 лица за кои се исплатени 111.000 евра. Лицата се ангажирани во континуитет од една година на работни места што не се систематизирани во актот за систематизација. Не постои конзистентност, ниту критериуми во висината на надоместоците за извршена работа во склучените договори за дело и тие варираат од 20.000 до 60.000 денари месечно, а забележавме и појава за исти работни позиции да се исплаќа различен надоместок за различни ангажирани лица“, се вели во извештајот.

Ревизорите утврдиле и дека на докторите што се на специјализација во странство им се признаваат трошоци според одлука што во тој момент не била во важност.

Прочитајте и...  Османи: Погледнете како за 30 минути се пренесува вирусот на заеднички ручек или вечера (ВИДЕО)

– Не се предвидени унифицирани износи на надоместоци кои им се признаваат на упатените лекари, поради што во текот на 2016 и 2017 година се признале расходи во различни износи за истоветни трошоци настанати во ист период и во исто место на едукација (курс за јазик, сместување за време на подготвителни активности, провизија за обезбедување на сместување и депозит за сместување). Ова создава ризик од субјективно одлучување за висината на трошоците што им се признаваат на лекарите – констатира ревизијата.

Исто така, вообичаено Министерството за здравство одобрува подготвителни трошоци за специјализација до шест месеци, но на четворица лекари им е продолжен рокот за 14 односно 18 месеци при што се исплатени дополнителни трошоци од 40.000 евра, а ревизијата не била во можност да ја процени основаноста на овие исплати бидејќи МЗ не дало објаснувања зошто се продолжени роковите.

Колку автомобили има Министерството за здравство?

По увидот во извршениот попис, ревизијата утврдила неусогласување на   материјалната и сметководствената евиденција во износ од 136.000 денари за возилата со кои располага МЗ. Бројот на возила од доставената интерна евиденција која ја води МЗ изнесува 63, во пописната листа бројот на возила изнесува 47, а во материјалната евиденција 39.

Прочитајте и...  Пекевски: Берово е отворен град за туристите, но секој мора да носи заштитна маска

„На ревизијата не и се презентирани причините за разликите во бројот и вредноста на набавените возила. Министерството не располага со документ за дадено право на користење на други правни лица“, се вели во извештајот. Исто така, со извршениот увид на материјалното и финансиското сметководство, ревизијата на 31.12.2017 констатирала разлика од 24,7 милиони евра помеѓу материјалната и финансиската сметководствена евиденција која се јавува како резултат на неизвршено евидентирање на дел од набавената опрема во материјалната евиденција и застарениот софтверски систем за материјално работење.

Ревизијата констатирала и дека не е извршено евидентирање на мобилни апарати во износ од 25.000 евра кои МЗ ги стекнало со склучен договор за користење на мобилни телефонски линии и не се презентирани информации во врска со бројот на мобилни телефони што се добиени како субвенција од мобилниот оператор. Министерството нема практика да ги задолжува вработените со реверси за телефоните што им се доделени на користење. „Прекината е практиката за вршење попис на вакцините од страна на ЈЗУ задолжени за менаџирање со нив, односно за доставување пописни листи до МЗ за нивната состојба“, вели ревизијата.

Прочитај повеќе

Четворица обвинети за непочитување на полицискиот час во Битола

Слободен печат

Невладините организации ќе добијат од Владата 30 милиони денари

Слободен печат

„Бентли“ планира да отпушти илјада работници

Слободен печат

Влада: Денеска поднесени 114 кривични пријави за ширење на заразна болест

Слободен печат

Се огласи Грета за хаосот во Америка: Младата активистка го осуди расизмот!

Слободен печат

Шпанија ги отвара границите за туристи на 1 јули

Слободен печат

Остави Коментар

Прочитај повеќе

Германски неонацисти тренираат во воен камп во Русија- никој не може да им го забрани тоа

Слободен печат

Путин: Норникел ќе ја надомести целата штета предизвикана од излевањето на нафтата

Слободен печат

Безбедностата камера „улови“ воспитувачка која усмрти бебе кое плаче (ВИДЕО)

Слободен печат

Америка закрепнува: Вработеноста во САД во мај порасна за 2,5 милиони

Слободен печат

Бројот на потврдени случаи на инфекцијата со коронавирусот расте побрзо од кога било

Слободен печат

Нема заболени од Ковид-19 меѓу вработените во тетовските градинки

Слободен печат