Зеленски: Свесен сум дека сега вниманието на светот е насочено кон Иран
Украинскиот претседател Володимир Зеленски вели дека е свесен оти вниманието на светот сега е насочено кон ситуацијата со Иран. Тој вчера телефонски разговараше со американските претставници Стив Виткоф и Џаред Кушнер во обид да ги оживеат разговорите за ставање крај на војната во Украина , пренесе „Укринформ“.
Препорачано
„Благодарен сум им за нивната подготвеност да се посветат што е можно повеќе во наредните недели на оживување на дипломатијата насочена кон ставање крај на војната на Русија против Украина. Свесни сме дека вниманието на светот сега е насочено кон ситуацијата со Иран. Но, нашата заедничка цел за мир во Европа останува на дневен ред“, објави Зеленски на социјалните мрежи по повикот.
Today, during a stopover at Chișinău Airport, I spoke with envoys of the President of the United States Steve Witkoff @SEPeaceMissions and @JaredKushner. A very positive conversation. I am grateful for their readiness to work as actively as possible in the coming weeks to… pic.twitter.com/XHTaB3jxLl
— Volodymyr Zelenskyy / Володимир Зеленський (@ZelenskyyUa) June 8, 2026
Тој додаде дека имал „многу позитивен“ разговор додека бил на аеродромот во молдавскиот главен град Кишињев.
„Разговаравме за перспективите во контекст на самитот на Г7, кој се очекува во Франција кон средината на јуни, и други настани во јуни“, рече тој, додавајќи дека ги информирал своите соговорници за „намерите“ на Москва, пренесува АФП.
Украинскиот лидер постојано ја споменуваше можноста за посета на двајцата претставници на Киев, што би била прва таква посета откако започна руската инвазија во февруари 2022 година.
На почетокот на јуни, тој се пожали дека организацијата на посетата трае „многу долго“, признавајќи дека Иран во моментов е „проблем број еден“ за Вашингтон.
Европските сојузници на Зеленски поставија пет услови за мировни преговори со Русија
Во последните месеци, неколку рунди разговори со посредство на САД не успеаја да ги доближат Киев и Москва до договор, а процесот се забави бидејќи вниманието на Вашингтон се префрли на Иран.
