Зеленски предупредува: Руските сили можат да се вратат на украинските граници во кое било време
Претседателот на Украина Володимир Зеленски денеска ги посети позициите на воените сили во близина на границата со Крим, за време на работната посета на Херсонската област.
Тој предупреди дека руските сили можат да се вратат на украинските граници, соопшти денеска неговата прес-служба.
„Ги гледаме нашите позиции, ја проверуваме подготвеноста на нашите борци, нашите бригади од гледна точка на опремата. Многу е важно да се увиди состојбата во која се наоѓаат нашите војници, нашата армија, како на линијата на фронтот и во резервите – и од технички и од психолошки аспект. Важно е да се разбере дека фактот дека (руските) сили се повлекуваат не значи дека тие нема да се вратат на нашите граници во кое било време“, рече Зеленски.
Во соопштението од неговата прес служба, уште се наведува дека Зеленски ја испитал оперативната состојба и системот за утврдување во близина на границата со Крим, извршил увид во засолништата и рововите и разговарал со дежурните војници, пренесува ТАСС.