Украинскиот претседател Володимир Зеленски денеска потпиша закон за испраќање единици на вооружените сили на Украина во други земји за време на вонредната состојба, објавено е денеска на веб-страницата на украинската Рада.

Законот уредува дека за време на вонредна состојба, единиците на вооружените сили на Украина можат да бидат испратени во странство со задача да обезбедат национална безбедност, да одбиваат и одвраќаат вооружена агресија, да го заштитат суверенитетот и територијалниот интегритет на Украина или да го остварат правото на самоодбрана во согласност со член 51 од Повелбата на ОН, пренесува агенцијата Укринформ.

Текстот на законот е изменет по предлог на украинскиот претседател Зеленски, кој прецизно ја објаснува постапката за донесување одлуки за распоредување на единиците на вооружените сили на Украина во странство и нивно престојување надвор од земјата во согласност со нормите на меѓународното право.

Според Укринформ, на 15 јануари Врховната Рада го усвои Законот за изменување и дополнување на одредени закони во врска со одредени прашања за испраќање единици на вооружените сили на Украина во други држави за време на периодот на војна.