На Украина и требаат директни разговори со Русија за да се стави крај на војната во источниот регион Донбас против силите поддржани од Москва, изјави денеска украинскиот претседател Володимир Зеленски.

Тој се обрати пред Парламентот откако Украина го повика НАТО да подготви економски санкции против Русија и да ја зајакне воената соработка со Киев со цел да ја одврати Москва од нов напад.

– Мораме да ја кажеме вистината дека нема да можеме да ја запреме војната без директни преговори со Русија, а денес тоа веќе го препознаа сите надворешни партнери, истакна Зеленски.

Кремљ претходно соопшти дека рускиот претседател Владимир Путин не е против идејата за разговор со Зеленски, но дека „разговор само поради разговор е бесмислено” и Москва би сакала да види подготвена соодветна агенда за таков состанок.

Украина се приклучи на Алијансата на денешните разговори во Рига за тоа како да се одврати Русија од нов напад, тврдејќи дека Москва ангажира војници во близина на украинската граница.

Извор: МИА